منتديات البرمجة اللغوية العصبية منتديات البرمجة اللغوية العصبية

أهلا وسهلا بك إلى منتديات البرمجة اللغوية العصبية.

أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.


اضافة رد
  #1  
قديم 09-08-2009, 09:50 AM
ansemoa
عضو مشارك
 
تاريخ التسجيل: Jul 2006
المشاركات: 52
إرسال رسالة عبر MSN إلى ansemoa
افتراضي اعادة التعريف – براعة الفم

اسمه حسن ، رايح خامسة ابتدائي بس شكله اصغر من سنه بكتر ، كتير بلاقيه وانا طالع او وانا نازل ، بيساعد ابوه وامه في شغل العمارة اصل والده البواب ، عم جمال اسمه ، عم جمال منياوي ، حاد مباشر وراجل شايف شغله ، حسن ليه اخت اده تقريبا واخ اصغر منه بس الواضح ان حسن المسئول عن اخواته ، كل يوم بيروح المدرسة ، ساكنين في اوضة في اول دور ، بييجي حسن من المدرسة بيساعد اهله وبيشتري حاجات للناس وديه كانت حياته ، بس في المنيا حسن كان مبسوط ، ببساطة لان ابوه كان ليه ارضه ، بس هنا ابوه بواب ، ومع ان حسن صغير بس اول ماجيه مع اهله كنت دايما تلاقيه زعلان ، لوحده قافش على نفسه ومبيكلمش حد ، في مرة كنت نازل الحق ندوة في العجوزة لما شديت الاسانسير وفتحته لاقيت حسن وعليه بصة واحد كبير متضايق من الدنيا كلها ، ولإني في خامس دور فده اداني فرصة اني اجري معاه حوار بسيط اوي ، لحد دلوقتي اكاد ان اجزم انه غير من حسن ، لما بصتله وسألته وانا مبتسم “انت حسن ؟ قالي اه حسن جمال … قولتله في سنة كام ؟ – رد عليا بصوت ملائكي لطفل في عمره وعلى ضهره مسئوليات الدنيا – في رابعة ورايح خامسة ، قولتله انت راجل صغير ياحسن ، انت ابن مدير العمارة ؟؟ بصلي وسكت حاول يخبي ابتسامة على وشه بس كانها خرجت وقالي ايوة اه والله، قولتله تمام ياحسن ، انت مساعد المدير في شغل العمارة والحفاظ على امنها ؟؟”

عايزك تتخيل شكل حسن ، لما قولتله جملة بسيطة جدا في خلال مانا نازل بس الجملة خليته حد فاهم ، حد متحمس ، وحد بيقدر وظيفة والده ، انا معرفش ايه الي بيدور جواه بس انا افترضت افتراض ولما اتعاملت معاه على اساسه اكتشفت انه بسنه ده كان رافض المكان الي هو فيه ولما عرف انه “مساعد مدير العمارة” ده كان كفاية علشان بجد حسن يكبر ويفهم ويبقى مبسوط وادخل جواه حلم انه يبقى ظابط وديه كانت تكملة كلامي لما سالته “عايز تكمل وتبقى ظابط في الشرطة”

كلمة واحدة ممكن تغير حياة طفل او حد عنده اعتقاد ما ، جملة واحدة ممكن تخليك تتغلب على اي مجادلة كلامية تخيل؟

في تخصص التنويم الضمني ، انا معتمد على تقنيات نفسية مفادها ان كل انسان عنده جزء معين بيستقبل الاقتراحات ومش بيعارضها ، وبتعرف ازاي تقدر توصل للجزء ده وتزرع فيه افكارك بطرق نفسية بحتة بتخلي الشخص متفتح اكتر علشان يستقبل توجيهاتك ، فانت بتتعلم ازاي تتكلم وازاي تعرض افكارك بطريقة تخلي الشخص الي قدامك متقبل لكلامك مستعد ليه وينفذه ، وده طبعا اختصارا للي ممكن تعمله بالتنويم الضمني بس زي مانت بتعرف ازاي تتكلم ، انت كمان بتعرف ازاي ترد ، وده من خلال 14 نمط لغوي لمستشار امريكي في علم برمجة الأعصاب باللغة والكلام اسمه روبرت ديلتز ، والي مألف تقنية براعة الفم ، تقنية براعة الفم شبيهة ببراعة اليد ، الشخص الي بيسرق ، عنده قدره انه يحط ايده في جيبك من غير ماتحس ، ببراعة الفم لروبرت ديلتز انت بتقدر تتكلم مع الشخص بطريقة خفية جدا تخليك تقدر ترد على اي مجادلات تواجهك وتتغلب عليها سواء في عمليات المناقشات ، المجادلات او حتى الخناقات ، ومن الانماط ديه ، نمط اسمه اعادة التعريف ، بمعنى ان اي حاجة بتتقال هي عبارة عن اعتقاد ، حد قالك انت غلس مثلا ، قدامك اختيارين لإيما تقوله اهو انت واهلك ، لإيما تقوله ليه ؟ هيقولك علشان مثلا بتكلمني عالموبايل كل شوية ، لإيما تقوله “طيب غور مش هكلمك تاني” او تقوله ببساطة “انا فعلا حاسس ان اهتمامي بيك كان مبالغ فيه بس انت عارف انك لما بتحب حد بتحس انك عايز دايما تتطمن عليه وانا اوعدك اني هبعد ومش هضايقك تاني باهتمامي بيك” ايه رايك في الجملة ديه ؟ جملة بسيطة اوي ، منها خليت الشخص يحس انك اخر واحد في الدنيا ممكن يبقى غلس وانه هو نفسه الي غلس ، ثانيا انت خليت الشخص يتأكد انك بتعمل كده علشان بتحبه مش غلاسة وده طبيعي يخليه مهتم بيك اكتر..

اعادة التعريف تقنية سهلة وبسيطة معناها انك بتاخد الاعتقاد بتغير من تأثيره عن طريق انك تغير اطار المعنى المرتبط بيه ، فلو قولتلي انت كذا علشان عملت كذا وكذا ، فدورك كمنوم ضمني وحد عنده مهارة الرد انك تقول لا ، انا عملت كذا وكذا علشان انا نيتي كذا وكذا ، تخيل لو استخدمت التقنية ديه في المفاوضات او في حل النزاعات ممكن تستفيد اد ايه ؟

تعالى نشوف سياق تاني ممكن نستخدم فيه النمط اللغوي ده ، وده حصل معايا من سنتين مع ولد صغير زي القمر عنده 7 سنين ابوه مات ، ابوه كان حد معرفة ولما روحت عزيت لاقيته عمال يعيط بحرقة لان في نفس اليوم ده كان ابوه وعده انه يوديه الملاهي وكان يوم لطيف جدا والموت حصل فجأة ، الولد اتصدم وكان وجودي طبيعي لانه الراجل ده كان قريبي ، انا مكنتش اعرف كلمة في التنويم الايحائي او الضمني او البلالايكا حتى ، بس كنت فاكر قصة حكاها المدرب توني روبنز ففكرت ليه لأ؟ اوكي هستخدمها ، قولتله بص ، خليني اقولك حاجة ، انا عارف انك بتعيط علشان باباك بعد عنك شوية ، انا كمان بابا مش موجود بس خليني اقولك قصة ، بابا حكهالي من زمان ، عن دودة صغيرة بتتولد وبتكبر وبتتعرف على ناس بتحبهم وبيحبوها بتكبر الدودة وبييجي وقتها علشان تترقى ، بتدخل في حفرة وبتتلف في قماش ابيض – الشرنقة- ومحدش بيعرف عنها حاجة ، لحد ما الموقت بيمر ، وبتيجي لحظة الدودة بتتحول لفراشة جميلة ، اجمل فراشة في الدنيا ، بأجمل لون ، وبتخرج برة القماش الابيض وبتطير في الجو وبتشوف كل الناس الي بتحبهم بس علشان هيا حرة وبتطير بتشوفهم وهما مش بيقدروا يشوفوها لحد ماهما كمان يبقوا فراشة ويتقابلوا تاني مع بعض .. انت عارف ان بابا شايفك دلوقتي وبيحبك وتقدر تتخيل شكله جميل لان حظه احسن مننا كلنا ، جاتله الفرصه انه يبقى احسن وفي مكان احسن فوقينا كلنا ، الولد هدي وانا طبعا مكنتش اعرف اني عملت معاه تنويم لحظي بسيط ، وبصلي وسألني بعين مليانة دموع وقالي ، فراشة لونها ايه ؟؟؟ قولتله اجمل فراشة بأجمل لون في الدنيا ، ضحك وقالي خضرا – قولت في دماغي الواد ده شكله غبي- بس قولتله اجمل فراشة خضرا في الدنيا ، وكان استخدام قوي لتقنية اعادة التعريف لما تقنع حد ان ده مسموش فراق ، ده ترقي ..

إعادة التعريف -تعتبر تقنية واحدة من وسط ال 14 تقنية لبراعة الفم والي هدرسهم ان شاء الله لأول مرة كجزء من كورس التنويم الضمني – دورة سبتمبر 2009

بعض محتويات الكورس :

* بناء الألفة
* الحصول على السلطة العليا
* تحليل الشخصية باستخدام تقنيات البرمجة العصبية والمايرز برجز
* صنع التدفق اللغوي
* تقنيات التنويم الضمني والاقناع والتأثير
* خدع اللغة
* اكثر من 15 تقنية من تقنيات الاقناع المباشر

انا مش عارف لو انت لاحظت ولا لسة اهمية النمط ده واستخداماته في حياتك علشان كده لو تقدر تتخيل نفسك معاك مهارة براعة الفم وبتقدر تتكلم وترد على اي مجادلة وتكسب اي حوار لصالحك ، لو تقدر تتقدر تتخيل نفسك وانت بتنقع وبتوصل فكرتك بطريقة صعب ان حد يقاومك فيها من غير ماتبقى عالم في مجالك ، لو تقدر تتخيل ان الناس كلها بتحبك وبتحب تكون حواليك ، فساعتها تقدر تنضم لجروب التنويم الضمني لفترة سبتمبر 2009 ، ولو مش قادر تتخيل نفسك كده ، فتقدر تشترك معانا وتسجل نفسك في الدورة علشان تلحق مكان ليك مع اشخاص اكثر تاثيرا واقناعا J

للتسجيل : ابعت اسمك ورقمك في ايميل ل arabhd@maktoob.com بعنوان “التسجيل في دورة سبتمبر 2009″ ، لأسباب معينة مش هنبدأ الدعاية للكورس بسبب ان العدد مش هيتخطى ال 20 وفاضل 8 بالظبط على تكملة العدد ، تحب تكون منهم ؟ خلينا نشوفك

نهاد رجب

المدرب العربي الأول في فن الاقناع والتأثير بالتنويم الضمني

http://www.nihadragab.com
رد مع اقتباس
  #2  
قديم 09-08-2009, 08:53 PM
ألــوانـ الـطيــف
شخصية كارزمية
 
تاريخ التسجيل: Aug 2009
المشاركات: 2,757
افتراضي

الله يوفق حسن

سبحان الله كلمات جميله بسيطه مشجعه

لها الأثر فليه نبخل على أولادنا ومن حولنا بالكلام الإيجابي..!!

شكرا لك
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
رائحة الفم ومشاكل اخرى زياد عمران منتدى الطب البديل 16 03-15-2010 09:36 PM
متقدات خاطئة عن صحة الفم والأسنان,, جبل مايهزه ريح منتدى الطب البديل 11 02-21-2010 08:45 AM
الدرس الخامس : التعريف بمكونات جلسة التنويم المصـرى منتدى التنويم الإيحائي 8 12-03-2009 10:23 AM
لا لرائحة الفم ........دراسة جديدة ! القمرايا منتدى الطاقة . 5 09-02-2008 07:05 PM