تذكرنــي
التعليمات قائمة الأعضاء التقويم البحث مشاركات اليوم اجعل كافة الأقسام مقروءة

 


عدد مرات النقر : 2,003
عدد  مرات الظهور : 7,668,428

عدد مرات النقر : 2,527
عدد  مرات الظهور : 7,668,402

عدد مرات النقر : 0
عدد  مرات الظهور : 7,668,386
عدد مرات النقر : 0
عدد  مرات الظهور : 7,668,370
عدد مرات النقر : 0
عدد  مرات الظهور : 7,668,359



الإهداءات

اضافة رد

 
LinkBack أدوات الموضوع انواع عرض الموضوع

  #1 (permalink)  
قديم 11-20-2011, 09:02 PM
الصورة الرمزية ansemoa
عضو مشارك
 
تاريخ التسجيل: Jul 2006
المشاركات: 52
إرسال رسالة عبر MSN إلى ansemoa
التنويم الايحائي المسرحي .. ماهو

"اصنع الكذبة الكبرى ، اجعلها بسيطة ، وقلها باستمرار وفي النهاية سوف يصدقونها" ادولف هتلر .

يمكن تشوف من وقت للتاني فيديوهات لواحد يقدر انه ينيم شخص ما ويخليه يعمل حاجات عجيبة ومجرد انك تشوف الفيديو ده بيخليك تندهش وتستغرب ! ازاي قدر انه يعمل كده .

في المقالة ديه مش هوضحلك ازاي علشان اكون صريح معاك . بس هقولك ايه هو التنويم الايحائي المسرحي وايه هي فكرته ونماذج عملتها في الموضوع ده في بدايات شغلي بالتنويم الايحائي .

التنويم الايحائي هو تنويم علاجي وبيعتمد على ادخال الشخص في حالة ذهنية معتدلة "الترانس" وفيها بيتم استقبال اقتراحات تعتمد قوتها على قوة الترانس او الحالة الذهنية الي الشخص دخل فيها .

التنويم الايحائي المسرحي هو نوع من انواع التنويم المستخدم في المسارح لاغراض ترفيهية او تعليمية في بعض الاوساط ، يمكن نادرا ماتلاقي حاجة زي كده في مصر لكن في خلال شغلي بالتنويم الضمني من وقت للتاني بحتاج اني استخدمه بمهارة ودقة شديدة علشان اوصل للناس معنى التنويم الايحائي وقوته في التأثير على الجماهير وبيعتمد على 10 عناصر اساسية :

  1. الالفة
  2. السلطة العليا الشومانشيب
  3. الشرح الدقيق للتقنيات والنتائج المرجوة
  4. الجو العام (الضحك)
  5. السياق
  6. التلاعب اللفظي
  7. الاختبارات
  8. الحيل
  9. الخضوع الاجتماعي و الموافقة الجماعية
  10. الترانس

كل نقطة من النقاط ال 9 محتاجة تدريب وبحث لوحدها يمكن اكتب عنهم بشكل مفصل في ابحاث خاصة فيما بعد .

من فترة كنت بسجل حلقة لرولا شو مع الفنان الجميل خالد سعد وكانت فقرتي عن التنويم الايحائي العلاجي والتنويم الضمني المستخدم في الاقناع والتاثير النفسي ، وفعلا اتكلمت عن الاتنين ولاق اقبال من الحضور بمن فيهم العاملين على اخراج الحلقة ، لكن اللي اكتشفته وكان طبيعي اني اكتشفه هو ردود افعال مبدئية رافضة للتنويم الايحائي على اعتبار ان سمعته سيئة بسبب الافلام السينمائية المنتشرة حول موضوع التنويم الايحائي والضمني والمحاولات السينمائية المستمرة في اخراج التنويم الايحائي بشكل فيه غموض وغرابة وخطورة علشان يضفوا حالة من التشويق والاثارة على الفيلم نفسه ، لكن الاعراض الجانبية السلبية هو ان الناس مع استمتاعهم للفيلم ولكن اتأثروا بالفكرة السلبية الخاصة بالتنويم الايحائي المأخوذة من الفيلم وبدأم يصدقوا فيها حتى ولو كانت خيال علمي . وبالفعل اخترت احد المتطوعين في البرنامج وبدأت استخدم معاه تقنيات خاصة وتطبيقات عملية قدام الناس وده الامر الي خلى اغلب الموجودين يتأثروا بالفكرة .

فكرة الافلام السينمائية والافكار السلبية الي انتشرت بسببها حول التنويم الايحائي ، في بعض الاوقات بيكون عامل في صالحي ، بمعنى ان المثل الشعبي بيقول "اللي يخاف من العفريت يطلعله" ولبعض الاشخاص السومنامبيوليست اي "نجمهم خفيف" ساعات بيتأثروا بجمل وهمية زي "الطريقة رقم 25" او "البالالام" حتى لو انت اقنعتهم ان الطريقة ديه هتخليهم يناموا او يضحكوا من غير سبب او يتخشبوا مكانهم وخلافه . وده ملوش علاقة بثقافة الشخص او تعلميه ، ساعات اكثر الاشخاص ذكاء في المكان بيكونوا الاكثر عرضة لتقبل الاقتراحات . وانا بوضح الفكرة ديه علشان بعض الاشخاص ممكن يقولوا ان الي بيدخلوا في التنويم الايحائي هم ناس عقليتهم ضعيفة وده اعتقاد خاطىء جدا لانك حتى لو حاولت انك متدخلش في التنويم هتدخل برضه في النهاية .

ومن التقنيات الي استخدمتها مع احد المتطوعين :
  • التنويم اللحظي
  • اقتراب اليد
  • لزق الايد لدرجة انه مكنش يقدر يفكها عن بعض وكل ده بالاقتراحات مش اكتر
  • نسيان اسمه قصاد كل الحضور
  • استرجاع اسمه من اول وجديد
  • التخشب التنويمي
ولولا قلة الوقت كنت عملت اكتر من كده ، ولكن النقطة هنا هو ان في اول 5 نماذج ، استصعب على بعض الحضور بمن فيهم المذيعة "رولا سعد" او "خالد صالح" انهم يصدقوا الي حصل ولو انا كنت في مكانهم كان ممكن اقول ان المتطوع ب "play along" وده مصطلح معناه انه بيجاريك ، لكن لما اتجهت لتفعيل التخشب التنويم وشيلته انا وشخص تاني فقط ونيمته بين كرسيين وكان فعلا متخشب لدرجة انك لو لمسته هتحس بكده ، ساعتها بس صدقوا وحصل محادثات مطولة بيني وبين الناس فيما بعد .

التنويم المسرحي اي تنويم عدد كامل من المتدربين وحملهم على عمل شىء ما ، ده بيتطلب مهارة وثقة من المحاضر انه يقدر يعمل ده ، لكن خليني اقولكم كواليس التنويم المسرحي بيكون ازاي .

بتركيزنا على حلقة رولا شو ، وانا في السكة كنت عارف اني رايح اسجل واقوم بمجموعة من التطبيقات الحية على احد المتطوعين ، وبسبب ده اهتميت اني اروح بدري علشان اقابل الجمهور وفعلا ده حصل واتكلمت مع احدهم وبدات افهمه التنويم الايحائي وجربته وكان فعلا حد خياله واسع وذكي ولما هتشوف الحلقة لو انت متخصص هتلاحظ انه "سومنامبيوليست" لدرجة اني لما قولتله غمض عينك ، عينه فعلا بدات تتحرك من تحت جفونه حركات دائرية ساعتها اتاكد انه الشخص للمهمة ديه ، وده معناه انك الاول بتختبر الاشخاص الي هتخرجهم للتجارب الخاصة بالتنويم الايحائي ، مش كل الناس بتتاثر بنفس الطريقة فمثلا لو قولتلك "هو الباب ده هيفضل مفتوح؟" بعض الناس هتفهم الاقتراح الضمني "اقفل الباب" وبعض الناس مش هتتصرف الا لما تاخد اقتراح مباشر بقفل الباب . فبالتالي انت بتدور دايما على الناس الي هيساعدوك لانهم مستعدين وسهل دخولهم في الحالة اسرع بالذات لو قدامك 5 دقايق تنفذ فيها كل حاجة .

في كورسات التنويم الضمني ، بيكون فيه بعض الاشخاص بطبيعتهم مقاومين لفكرة التنويم الايحائي والضمني ، فلو افترضنا ان فيه 40 متدرب موجود في المكان ، وفيه 15 او حتى 20 منهم مش مصدقين ومعارضين ، بمنتهى البساطة بختار اكتر واحد في القاعة بيكون مصدق وبجرب عليه ، ولما بيجيب نتيجة ، بجرب على التاني والتالت وهكذا لحد ماكون جربت على كل الموجودين بمن فيهم المعارضين ، لان هنا بتدخل نظرية نفسية اسمها الموافقة الجماعية ، لو شوفت الناس بتتصرف بطريقة معينة في لحظة معينة بتتصرف زيهم وبتتاثر زيهم في نفس اللحظة . والخضوع الاجتماعي ان نادرا ماتلاقي حد موافق انه يكون لوحده وسط مجموعة من الناس ليها توجهات معينة وحتى لو رفض في البداية فبسرعة بيبدأ يفكر زيهم فيما بعد .

الفكرة معدية والضحكة معدية والحماس معدي والثقة معدية ، انت بتضحك الجماهير "الفة" وبتقولهم فكرتك بحماس وبثقة فبالتالي بيثقوا فيك وبيوافقوك عليها ، ممكن تعمل نفس التقنيات وتسميها "التنويم الاحمر او الاخضر" سميه زي ماتسميه ، طول مانت واثق في الي بتعمله الناس هتصدقك وهتحس بالتغيير فعلا . وافتكر دايما .. اختبر الناس الاول والافضل هو ده الي تختاره ، مع الوقت والتخصص هتعرف الانسب من شكله وصوته واسلوبه ، لكن حاليا لازم تختبر الاول عن طريق اختبارات القابلية للايحاء او غيرها . وافتكر ان الشخص الي هتخليه يغير صوته او حتى ميشوفكش هو شخص مستعد لكده .. احترمه وقدره وفهم الناس ان لو اي حد كان مكانه كان هيتصرف كده .

في بحث ببدأ اعد ليه هتكلم بالصوت والصورة عن فكرة الباور بالانس ، ومن هنا لحد ماعمل الفيديو ، تفتكر الباور بالانس "سلاسل بتحافظ على اتزان الجسم وطاقته" حقيقية ولا ايحاء وموافقة جماعية؟ هنعرف كلنا قريب ، واشوفكم على خير

من التطبيقات الي بنفذها البسيط والمعقد :


  • اليد المغناطيسية
  • اللزق الخيال
  • التثبت بالارض
  • التخشب
  • الضربة الوهمية
  • زرع الافكار
  • نسيان رقم او اسم
  • والكثير
واخيرا ، ااكد على ان ده مش مجالي او مش اساس اهتمامي لكن ساعات بنفذه لاسباب تعليمية فقط ولا غير .

شكرا لقراءتك المقالة وتشييرها ، وقريب هرفع حلقة رولا شو علشان يبقى عندك خلفية اكبر بالموضوع .

تحياتي
نهاد رجب
اول مدرب عربي للتنويم الضمني
مدرب ومعالج بالتنويم الايحائي
مؤلف كتاب تعلم كيف تحدث التنويم الايحائي والكتاب الاليكتروني "فن الاقناع والتاثير النفسي بالتنويم الضمني"
Website : http://www.nihadragab.com
Facebook : http://www.facebook.com/nihad.ragab2011
Twitter : ansemoa
Email : info@nihadragab.com

رد مع اقتباس

اخر 5 مواضيع التي كتبها ansemoa
المواضيع المنتدى اخر مشاركة عدد الردود عدد المشاهدات تاريخ اخر مشاركة
التنويم الإيحائي وأسباب المقاومة النفسية مقالة لـ... منتدى التنويم الإيحائي ansemoa 0 690 07-11-2016 10:00 PM
خاطرة خاصة بـ التنويم الإيحائي أو ما يعرف بـ... منتدى التنويم الإيحائي ansemoa 0 369 07-07-2016 09:26 AM
فيديو تطبيقات التنويم الايحائي المسرحي والعلاجي... منتدى التنويم الإيحائي ansemoa 0 763 03-08-2012 02:08 PM
فضيحة الباور بالانس .. الجزء الاول منتدى التنويم الإيحائي بسمة الغد 1 736 11-25-2011 12:08 PM
التنويم الايحائي المسرحي .. ماهو منتدى التنويم الإيحائي عطر النرجس 2 482 11-20-2011 09:02 PM

  #2 (permalink)  
قديم 11-20-2011, 09:46 PM
الصورة الرمزية حسام العبودي
أصفياء الموقع
 
تاريخ التسجيل: May 2010
المشاركات: 346
إرسال رسالة عبر Yahoo إلى حسام العبودي
افتراضي

روعةياأستاذ نهاد على هذه المعلومات الأكثر من رائعةوالتي تفيدنا كممارسين مبتدأين للتنويم بشتى أنواعه بارك الله بك وشكرا لك وزادك علماوعملا
رد مع اقتباس
  #3 (permalink)  
قديم 11-24-2011, 10:07 PM
الصورة الرمزية عطر النرجس
عضو جديد
 
تاريخ التسجيل: Jul 2010
المشاركات: 40
افتراضي

متاااااااااابعة وبحمااااااااااااس
رد مع اقتباس

اضافة رد


يتصفح الموضوع حالياً : 1 (0 عضو و 1 زائر)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع

المواضيع المتشابهه
الموضوع كاتب الموضوع المنتدى الردود آخر مشاركة
فيديو تطبيقات التنويم الايحائي المسرحي والعلاجي مع نهاد رجب ansemoa منتدى التنويم الإيحائي 0 03-08-2012 02:08 PM
ايش هو التنويم الايحائي tata789 منتدى التنويم الإيحائي 6 08-13-2011 11:17 PM
التنويم الايحائي؟؟ auther منتدى التنويم الإيحائي 4 03-30-2008 10:44 AM
الفرق بين التنويم الايحائى الاختراقى و التنويم الايحائى العادى المصـرى منتدى التنويم الإيحائي 18 08-18-2007 07:21 PM
ماهو التنويم الايحائي؟ د.زهير خشيم منتدى التنويم الإيحائي 5 06-14-2005 03:40 PM


الساعة الآن 01:51 AM.