تذكرنــي
التعليمات قائمة الأعضاء التقويم البحث مشاركات اليوم اجعل كافة الأقسام مقروءة

 


عدد مرات النقر : 1,830
عدد  مرات الظهور : 6,869,743

عدد مرات النقر : 2,306
عدد  مرات الظهور : 6,869,717

عدد مرات النقر : 0
عدد  مرات الظهور : 6,869,701
عدد مرات النقر : 0
عدد  مرات الظهور : 6,869,685
عدد مرات النقر : 0
عدد  مرات الظهور : 6,869,674



الإهداءات

اضافة رد

 
LinkBack أدوات الموضوع انواع عرض الموضوع

  #1 (permalink)  
قديم 09-02-2011, 11:57 PM
الصورة الرمزية ansemoa
عضو مشارك
 
تاريخ التسجيل: Jul 2006
المشاركات: 52
إرسال رسالة عبر MSN إلى ansemoa
5 قواعد أساسية لمعالج التنويم الايحائي الناجح

التنويم الايحائي ممكن تسميه علم او فن او مهارة او اسلوب او تطبيقات ممكن تنويم مغناطيسي ، او علاج بالاسترخاء، زي ماتحب تقدر تسميه وتسميته ممكن نختلف عليها ، لكن الي هنتفق عليه هو قوته في تغيير الاشخاص وزرع الافكار واعادة خلق حياة كاملة بداخل شخص ممكن يكون عاش عمره تعبان لمجرد انه مكنش يعرف بوجوده . والي هنتفق عليه تاني ان التنويم الايحائي ليه مدارس كتير ، اهم المدارس ديه هي مدرستك انت ، مهما كان الاشخاص الي انت اتعاملت معاهم اعرف ان "التنويم ملوش كبير" وممكن حد يروح لأشهر واحد تعرفه وميجيبش معاه نتيجة او يجيلك انت وحياته تتغير على ايدك . كله بيعتمد على عوامل كتيرة وطرق يمكن انت لوحدك الي تكون عارفها .. او يمكن متكونش عارفها والمقالة ديه هيا بداية ليك علشان تتعرف على 5 قواعد .. مش هتسمعهم ومحدش هيقولهوملك .. ممكن تختار انك تاخد وقت طويل علشان تفهمهم او انك تقول انا عارفهم .. بس لو هتاخد مني كلمة .. خليني اقولك "لو عارفهم .. اتعرف عليهم تاني" ولو مش عارفهم .. فانا عارف انك فاهم الي هتعمله.


1- سر نجاح جلسات التنويم الايحائي في انك تعامل الشخص على انك المسئول بس عن التوجيه وانك واثق منه في انه هيتبع توجيهاتك وهيسمح للتغيير انه يحصل ، فهمه دايما انك واثق فيه وانك قدرت تشوف فيه ده ، وان علاجه هيخليك انت –كمعالج - مبسوط ، من الاخر حسسه بالمسئولية الكاملة وحطه مكانك. خليه هو البطل في القصة وحسسه بقيمته .. خليه يحس ان البداية معاك وانه هيكمل وانك معاه ومتابعه ..

2- بعض ممارسي التنويم الايحائي بيعاملوا الشخص الي بيدخل في التنويم على انه جماد ملوش علاقة بالجلسة غير انه يسمع ويسترخي وعقله اللاواعي هيقوم بالشغل لوحده .. وده اعتقاد خاطىء جدا .. علم الشخص الاول انه يديلك اشارات بأيوة واشارات بلأ .. وابدأ خليه يتفاعل في كل حاجة بتقولهاله .. لو قولتله تخيل انك في مكان جميل .. إساله هل هو متخيل ولا لا .. وخليه يرد عليك بالاشارات المتفق عليها .. لو حسيت انه مش مستريح خليه يكلمك ويرد عليك بلسانه وهو محافظ على استرخاءه ، واعرف ان التنويم هو عملية تخيل وتقنيات مختلفة بيها بيتواصل الشخص مع اللاوعي (وليس) بتتواصل انت مع اللاوعي. انت بتتواصل من خلال الشخص .. شارك الشخص .. لانك ممكن تقوله تخيل نفسك على بحر ومسترخي ، وتكتشف انه عنده فوبيا من المية وتكمل رغي لمدة ساعة وهو لسة واقف على البحر ومش قادر يتحرك .. دايما شارك العميل علشان ميكونش عنده وقت انه يقاوم اقتراحاتك وتتاكد دايما انه بيتبع توجيهاتك .

3- في نهاية الجلسة هدد الشخص بتهديد هيرجع كل المشاكل الي كانت عنده قبل الجلسة زي ماكانت .. مش هتتخيل قوة التهديد في ان الشخص ينقل كل مخاوفه من المشكلة الي كانت عنده والي افترض بشكل كامل انه اتحلت لفكرة انه ميعملش الحاجة الي انت هددته لو عملها هترجعله مشكلته من تاني اكبر من قبل كده.


4- اهم جزء في الجلسة كلها هتستعجب لما تعرف انه "محادثة ماقبل التنويم" .. وفيها إما انك تقنع الشخص انه في المكان الصح مع اعظم ممارس تنويم ايحائي اتخلق او انك بتهرج معاه . محادثة ماقبل التنويم يعني بناء الفة ، يعني تعريف بنفسك ، يعني حرفيا انت احسن واحد استخدم تنويم ايحائي .. المحادثة بتعتمد على اكتر من نقطة اهمهم :

  • ابني بينك وبينه عقد .. مفاده انك هتستخدم كل الي تعرفه واتعلمته على الشخص في مقابل انه يتبع توجيهاتك .. فهمه ان العملية 50% منك و 50% منه
  • طمن العميل واعرف ان اي مقاومة نفسيه هو خوف موجود جواه ، طمنه دايما واتكلم عن الناس الي دخلت في التنويم وكانت مبسوطة بشكل غير عادي .
  • حب الشخص وفهمه انك مهتم بيه جدا ، واعرف انه اكيد يائس علشان يتوجه ليك ، وانك كنت اخر امل عنده علشان كده احتويه وطمنه وفهمه ان فيه امل .

5- المقنعات : من اهم الاسباب الي بتخدم الجلسة بتاعتك .. لازم دايما تقنع الشخص انه في تنويم او في حالة ذهنية مختلفة ، ومع انه كده فعلا وانت مش محتاج تعملهم لكن لازم هتعملهم علشان اساسية للعميل انه يقتنع ، وبتختلف المقنعات ما بين مقنعات مادية زي انك تخلي ايده تقرب او تخلي ايده تلزق في بعض وميقدرش يفكهم او انك تخلي عينه تلزق او ايده ترتفع او تنزل او تنفسه يتغير او اي حاجة تقدر تخترعها .. وده قبل التنويم وفي خلال الجلسة ودايما بتربط نجاح التجربة بتاعتك "ايده تلزق" على سبيل المثال ان عقله اللاواعي بيستجيب للاقتراحات وده معناه انه بيستجيب لاقتراحاتك الاكبر والي هتقولهاله بعد كده .
أشوفكم ان شاء الله في 5 قواعد اخرى لجلسة تنويم ايحائي ناجحة ..

نقرتين لعرض الصورة في صفحة مستقلة
نهاد رجب
اول مدرب عربي لفن الاقناع والتاثير النفسي بالتنويم الضمني
معالج ومدرب للتنويم الايحائي
مؤلف "تعلم كيف تحدث التنويم الايحائي" و "فن الاقناع والتاثير النفسي بالتنويم الضمني"
الموقع : http://www.nihadragab.com
صفحة فيس بوك : http://www.facebook.com/nihad.hypnotist

رد مع اقتباس

اخر 5 مواضيع التي كتبها ansemoa
المواضيع المنتدى اخر مشاركة عدد الردود عدد المشاهدات تاريخ اخر مشاركة
التنويم الإيحائي وأسباب المقاومة النفسية مقالة لـ... منتدى التنويم الإيحائي ansemoa 0 599 07-11-2016 10:00 PM
خاطرة خاصة بـ التنويم الإيحائي أو ما يعرف بـ... منتدى التنويم الإيحائي ansemoa 0 343 07-07-2016 09:26 AM
فيديو تطبيقات التنويم الايحائي المسرحي والعلاجي... منتدى التنويم الإيحائي ansemoa 0 737 03-08-2012 02:08 PM
فضيحة الباور بالانس .. الجزء الاول منتدى التنويم الإيحائي بسمة الغد 1 721 11-25-2011 12:08 PM
التنويم الايحائي المسرحي .. ماهو منتدى التنويم الإيحائي عطر النرجس 2 465 11-20-2011 09:02 PM

  #2 (permalink)  
قديم 09-03-2011, 12:29 AM
الصورة الرمزية FROZEN
عضو إيجابي
 
تاريخ التسجيل: Apr 2007
المشاركات: 420
افتراضي

ansemoa

شكرا على الموضوع الجميل
رد مع اقتباس
  #3 (permalink)  
قديم 09-09-2011, 10:29 AM
الصورة الرمزية حسام العبودي
أصفياء الموقع
 
تاريخ التسجيل: May 2010
المشاركات: 346
إرسال رسالة عبر Yahoo إلى حسام العبودي
افتراضي

جيد جدا موضوع رائع للمدرب نهاد رجب وانا شخصيا قرأته في موقعه الشخصي واستفدت منه كثيرا بارك الله بك لوضعه هنا وشكرا لجهودك القيمة
رد مع اقتباس

اضافة رد


يتصفح الموضوع حالياً : 1 (0 عضو و 1 زائر)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع

المواضيع المتشابهه
الموضوع كاتب الموضوع المنتدى الردود آخر مشاركة
سبعة قواعد أساسية لتربية الأبناء mahmoudchawki منتدى تطبيقات البرمجة اللغوية العصبية في الإسلام 3 02-11-2012 06:31 PM
ايش هو التنويم الايحائي tata789 منتدى التنويم الإيحائي 6 08-13-2011 11:17 PM
ثلاثة قواعد أساسية للحوار الليث الفندي منتدى هندسة النجاح NLP 2 06-17-2010 05:16 PM
الفرق بين التنويم الايحائى الاختراقى و التنويم الايحائى العادى المصـرى منتدى التنويم الإيحائي 18 08-18-2007 07:21 PM
ثلاث قواعد أساسية لتربية الطفل أخوكم ابو عبدالله التميمي منتدى العلاقات العامة 4 02-13-2004 12:57 AM


الساعة الآن 03:13 AM.