هل اقول لطفلي الي يضربك اضربه

[المكتئبة دائما]

السلام عليكم ورحمة الله وبركاته
أتمنى ان حد يساعدني في الموضوع ده
انا ابني عنده 5 سنين كان والده وجدته كل ما يجي من الشارع معيط يقولوا الي يضربك اضربه
انا مكنتش برضى بالكلام ده
وكان لما حد بيجي يشتكي منه ويقول ضربني امسك ابني واخلي الواد يضربه
ولو عيل جه قال ابنك عضني او انا شفته امسك ابني واخلي العيل يعضه
لحد ابني ما بقى ملطشه الصغير والكبير بيضرب فيه الولاد والبنات بيضربوه
بقيت اقوله الي يضربك اضربه بس انا مش عاجبني ومش مريحني الأسلوب ده ومش عارفة اعمل ايه
خايفة اخلي ابني مفتري ربنا يقتص منه في صحته وفي مستواه الدراسي
وعيال الشارع عندنا وخاصة ولد معين فيهم ضربه غبي
لدرجة اني اتخانقت مع امه ومسكت ايديها كانت بتحامي على ابنها لحسن ابني يضربه وخلت ابني يعضه وهي زعلت مع ان ابنها كان ضارب ابني بالشبشب على دماغه
انا كده عايزة الم عيال الشارع كلهم واربيهم علشان اضمن ان ابني يبقى في امان

[maysoon]

بسم الله الرحمن الرحيم
عودي ابنك على البقاء في البيت اطول فترة ممكنة ,اقراي له القصص اذا اراد اللعب مع اصدقائه اسمحي له على الا يضربوا بعضهم البعض اذا ضربوا بعضهم عاقبيه بعدم السماح له بالخروج لمدة يوم واحد اتفقي مع جاراتك على هذا الاسلوب ايضا ,اطلبي منه ان يحضر اصدقائه الى البيت اقراي لهم القصص الهادفة ,اجري مسابقة بينهم في حفظ القرآن الكريم ,اصنعي لهم الحلوى ,اجعلي منه قدوة للاخرين
اعلم ان مهمتك صعبة لكن نجاحك في هذا العمل سيعود بالفائدة على ابنك وعلى المجتمع
وفقك الله