الجزء الثالث من الكفاح/ بداية النجاح.... :) التخلص من الاكل العاطفي

[فتاة بريدة]

تشكو الي احدى قريباتي انها تعاني من الاكل العاطفي( يعني بالعربي تأكل بدون حاجه للاكل)
وانا توقعت انها تعاني من القلق ..:rolleyes:
وقالت لي وش اسوي حنان!!
انا اكل بس علشان اوسع صدري!!
قلت لها تعرفين الحرية النفسية قالت لا:confused:
قلت لها اذا تعالي اعلمك طريقة حلوووووة وسهلة للتخلص من العادات المسيطرة مثل الاكل و التدخين والشراب:confused: و الافكار السلبية والمواقف القديمة التي تسبب الضيق والقلق والالم
وشرحت لها طريقة التقنية بالبداية انا سويت لها الربت ومن ثم عملتها هي لنفسها
وبدون ان اي عبارات انما طلبت منها التركيز على المشكلةوتتخيل نفسها وهي تأكل وتانيب الضمير اثناء الاكل وبعد الاكل
وبصراحة انها علت قلبي......!!:confused:
مانفع معها التقنية ......... ليه!؟؟!
لانها كانت معكوسة الاشارات!:confused:
قمت فسرت ذرعاني(شمرت عن ساعدي) وعكست لها الاشارات وقبل كذا عملت لها اتجربة الاختبار للاشارات
المهم هي كانت عندها الاشارة السالبه فووووق والموجبة تحت وقمنا وعكسناها .:rolleyes:
واعدنا التجربة مره اخرى وكررناها لمرات (لدرجة ان المسيكينه قالت خلااص خليني اكل لحد ماطق تكسر وجهي من هالتقنية قلت لها حبيبتي مافكك كملي ولا جب مطرقة وسوينا بها الربت كملي)<--- شديد هالمدرب هههههه
المهم انها في النهايه فقدت شهيتها الحمدلله قبل ماتفقد اعصابها (ياخي النا س تسوي لهم خير يعطونك شر)
وحااااااااااااااان وقت التجربة تقول الاكل الي احبه مازلت اراه جميلا بس ماعندي رغبة بالاكل


وراح يومين


وهي تتصل بي وتقول : لا عادة عليك انك وتجربتك يابنت عمي !
- ليش عسى ماشر؟!
- والله اني من ذاك اليوم صرت دايخة من قل الاكل اشوف الاكل وبطني فاضي بس ماشتهيه؟؟:)
-فقدتي الرغبة بالاكل؟
- مررره .


السؤال الذي يطرح نفسه / وش السواااااااات لا يجيها فقر دم المسيكينه ؟؟:confused:
هههههههههه
والا هي مبسوووووووطة مرررره
السؤال الثاني / مو المفروض اني اخلصها من القلق اول قبل ما اطب بالمشكلة الاساسية؟؟



ارجو من الدكتور حمود الرد
ومن الاخوة والاخوات الاعضاء




:) حنان :)

[الأم الروحية]

صح حنونه المفروض انك خلصتيها من المشكله قبل لا تتوهقين معها خخخخخخخخخخخخخخخ


ومسألة ترجيع الشهيه اتمنى احد يفيدنا او انا راح اجربها واعطيكم النتائج

[جورية الكون]

يعطيك الف عافيه اختي العزيزة حنان

ماقصرتي مع قريبتك وزيادة

كافي انك خلصتيها من قناعة سلبيه ومقيدة وهي تفريغ الضغوط وتضيع الفراغ بتناول الاكل بغير حاجه

وهذا بحد ذاته يغير مجرى حياتها

لاحظي عباراتها من خلال وصفك



قبل التطبيق

اكل علشان اوسع صدري!!

أثناء التطبيق

خلااص خليني اكل لحد ماطق

وبعد التطبيق

الاكل الي احبه مازلت اراه جميلا بس ماعندي رغبة بالاكل

يبدو لي استوعبت مشكلتها وعرفت حجمها وتغير ادراكها نحوها

اما بالنسبة لوضعها بعد اليومين


تطبيق التقنية احيانا يصاحبها تداعيات يعني تتخلص من مشكلة تطلع لك مشكلة جديدة وطبعا هذا

يكون سببه انك مازلت على السطح ولم تصل الى عمق المشكلة

ومن رايي الاستمرار بتطبيق التقنية

ولتكن الان على فقدان الشهية

والرجوع لسبب الهروب بتناول الاكل اثناء الضغوط او الفراغ والتطبيق عليه

استمرمع التربيت


والاجابة على السؤالين

لانفتي ومالك بالمدينة



وتقبلي اروع تحياتي

[فتاة بريدة]

؟
؟
اين الختصين؟

وش دعوى ؟

[فتاة بريدة]

نجيمات ولا شي؟
:(

على الاقل تعليقات ياناس؟


وش هالمنتدى ناااااااااااااااااايم

وسوف اعتزله...

[د.حمود العبري]

حياك الله أختي فتاة بريدة

و اهنيك على النتائج الرائعة التي حصلتي عليها.

اما من ناحية انها ستصاب بفقر دم فلا اعتقد ذلك فهي عند الحاجة الضرورية للاكل سوف تأكل بلاشك ولكن فقط اذا شعرت بالجوع. وليس تسلية مثل السابق.
اما تطبيق التقنية فتطبيقك صحيح و دائما نطبق التقنية انا على النتيجة (الاكل العاطفي) او السبب ( القلق) و كلا الطريقتين صحيحة فقط نحن نبحث عن المتيجة.
و تطبيق التقنية لازالة القلق في الغلب افضل لانه لب المشكلة ،، فعندما يستمر القلق وضغوط الحياة فسوف فممكن تعود المشكلة من جديد او بشكل أخر.

مع اطيب الامنيات،،،
د. حمود العبري
Keep on tapping :)

[سعود بن عبدالعزيز]

اهنئك اختى على نجاح تجربتك .. ولو انها صارت في بنت عمك .. لكنها ناجحه والحمد لله ...

بارك الله فيك وعقبال ما نلاقي احد نجرب فيه ..!! للخير انشاء الله ..

[تمر سكري]

احبك بالله أختي فتاة بريدة

و اهنيك على النتائج الرائعة التي حصلتي عليها.
اعجبتني شخصيتك وحبك لتطبيق ما تعلمتة وافادةمن حولك (ياليتي معكم)

[المثقف]

رررررررررررررررررررررررائعه بجد
صدق يا عالم وش تتكلمون عنه وشذ التقنيه ودي اعرف عنها وكيف تعلمتيها يا فتاه بريده وهل اقدر اتعلمها وعند مين شكلك خطير

[فتاة بريدة]

الاخ او الاخت / تمر سكري :)
احبك الله الذي احببتني فيه
اشكر تعطيرك لي موضوعي بمرورك الرائع

الاخ المثقف
شكرا لتحفيزك الخطيييييييييييييير
تقدر تتعلمها عن طريق المذكرة حملها من المنتدى
واتعلم هي جدا سهلة
وممتعه
وهي تعتمد على مسارات الطاقة بالجسم
وازالة الخلل بدخله

والي يسأل مايتوهشي......... :)


:) حنان :)

[تمر سكري]

طييييييييييييييييييييييييييييييييب ................حلو................اكملي النجاحات....أفيدينا ......

[تمر سكري]

((((وبصراحة انها علت قلبي......!!
مانفع معها التقنية ......... ليه!؟؟!
لانها كانت معكوسة الاشارات!
قمت فسرت ذرعاني(شمرت عن ساعدي) وعكست لها الاشارات وقبل كذا عملت لها اتجربة الاختبار للاشارات
المهم هي كانت عندها الاشارة السالبه فووووق والموجبة تحت وقمنا وعكسناها)))

س:مافهمت قولتك الاشارات معكوسة!!! ماذا تقصدين بمعكوسة؟؟؟
س:وش تقصدين ب عملت لها تجربة الاختبار للاشارات ؟؟؟؟؟
وقفة:
اولا :انا قاعدة اطبق تقنية الحرية النفسية علشان اخفف وزني .....بس مافيه فايدة ؟؟؟كيف اعرف أشاراتي معكوسة والا لا؟؟؟؟
ثانيا:بصراحة(والله اني مستحية من هاا لسؤال ) كل مادخلت قناة الحرية النفسية علشان أشوف التقنية وتطبيقاتها على تخفيف الوزن ما تضبط معي يتكلم الدكتور شوية ثمن ينقطع !!!!!!!!!!!!!مدري ليه ؟؟؟؟ممكن تفسير يا حنو ...........
ودمت بود

[فتاة بريدة]

تمر سكري (مدري عاد هو تمر منصف ولا مكنوز !!) هههههه
عزيزتي
احيانا يكون لدى الانسان تلوث طاقي بسبب بعض الامور الملوثة مثل الروائح العطرية والتي توجد بالشامبوهات وما اشبه ذلك


وعادة الانسان تكون اشاراته العلوية موجبة والسفليه سالبة
ويوجد في المذكرات طرق عكس الاشارات

وهناك امر اهم
وهو ان الافضل ان تبحثي عن سبب السمنه مثلا هل تعانين من القلق؟
المشاكل والضغوط النفسية؟
التي تدفعك للاكل العاطفي لتفريغ القلق والاستمتاع باوقات الفراغ؟؟
فهنا تعملين التقنيه على المسببات التي تدفعك للاكل
او اذا كانت الشهية المفتوحه بافراط
مثال/ بالرغم من انني اعاني من الشهيه المفرطة الا اني اتقبل نفسي تماما وبعمق
بالرغم من اني افرغ قلقي ومشاكلي بالاكل الاني اتقبل نفسي تماما وبعمق
وهكذا استمري بالربت المتوسط القوة وليس الخفيف او القوي جدا

اتمنى لك التوفيق من كل قلبي

:) حنان :)

[المثقف]

سوال كم مره تقريبا عدتوها

[فتاة بريدة]

الى ان يصل مستوى الانزعاج الى الصفر
اي عندما تجرب المشكلة لا تنزعج منها

[تمر سكري]

شكرا ياعمري .....تجاوبك رائع .....سوف ....... أطبق ما قلتية ........
على فكرة (السكري مكنوز ......احلى)

[زهرة المنتدى]

نجحات رائعة اختي فتاة واى المزيد والمزيد

[فتاة بريدة]

تمر سكري ومكنوز بعد يمي يمي بس ياليت يكون مجروش :) شكرا عزيزتي على مرورك
اتمنى ان تحصلي على افضل النتائج :)
دمتي بود اختي زهرة المنتدى

حنان :)

[تمر سكري]

شكرا..حنو .............تقريبا نجحت التجربة معي على بعض الأطعمة......( صرت ما اشتهي السكري..آه..آه..و لاحتى البرحي .....حسافة) وابكمل على بقية المحبوبات .آه... ثمن ..آه..ثمن .آه ....(وداعا).
.بس الى الآن ما قدرت أطبق نظام التغذية الي كتبتة لي طبيبة التغذية (مع العلم اني طبقته قبل هالمرة وجاب نتيجة مدهشة )
ماهي العبارة المناسبة لتقوية الارادة وزيادة الهمة برأيك ؟؟؟؟؟؟؟؟؟؟فما زلت آكل بعض الاطعمة بدون جوع ولا رغبة ولا شهية حتى اذا كانت مب لذيذة مرررررررررررررررررررررة
ثقلنا عليك بس وش نسوي حبيناك وحبينا اسلوبك !!!!!!!!!!

[الؤلؤالمكنون]

يعطيك الله الف عافيه وجزاكم الله كل خير

[أنا سعيده]

حلو ودي اطبقها اني ازيل الكرش بس شلون شنو العبارات اللي ارددها عشان اتخلش من الكرش

[أنا سعيده]

ارجو الرد على استفساري

[wild ccat]

واللة مو فاهمة شي دلوني على الخير اللة يدلكم على خير